راولپنڈی (پوٹھوہار ٹائمز ) ایف جی ای آئی (کینٹ اینڈ گیریژنز) ڈائریکٹوریٹ راولپنڈی نے پنجاب انفارمیشن اینڈ ٹیکنالوجی بورڈ (PITB) کے تعاون سے انسانی وسائل اور اسکول کے امور کے لیے آن لائن بزنس پروسیسنگ سلوشنز تیار کیے ہیں جنہیں ہیومن ریسورس مینجمنٹ انفارمیشن سسٹم (HRMIS) اور اسکول انفارمیشن سسٹم (SIS) کہا جاتا ہے۔ ایک رسمی تقریب ایف جی ای آئی (کینٹ اینڈ گیریژنز) ڈائریکٹوریٹ راولپنڈی میں منعقد ہوئی جہاں آئی جی ٹی اینڈ ای لیفٹیننٹ جنرل سید محمد عدنان، ایچ آئی (ایم) نے مذکورہ منصوبے کا افتتاح کیا۔
اس موقع پر گفتگو کرتے ہوئے آئی جی ٹی اینڈ ای نے کہا کہ پبلک سیکٹر کے اداروں میں زیادہ سے زیادہ شفافیت اور تاثیر کو بڑھانے کے لیے جدید انفارمیشن ٹیکنالوجی سسٹم کو شامل کرنا حکومت کی اولین ترجیح ہے۔
ڈی جی ایف جی ای آئی نے کہا کہ پیپر لیس سسٹم معلومات/دستاویزات کو ڈیجیٹل طور پر ذخیرہ کرنے کے قابل بناتا ہے اور اس کے اندر ڈیمانڈ پر آسانی سے قابل رسائی ہوگا۔ تمام دستاویزات کا پتہ لگانا ایک ہی کلک پر ممکن ہو جائے گا۔ HRMIS اور SIS سافٹ ویئر پر مبنی انتظام ہیں جو موجودہ کاموں کے موثر انتظام کو یقینی بنانے کے لیے مختلف ماڈیولز اور عمل کو مربوط کرتے ہیں۔