پوٹھوہار ینگ جرنلسٹ کے الیکشن,انوارالحق صدر منتخب

راولپنڈی :پوٹھوہار ینگ جرنلسٹ ایسوسی ایشن کے سالانہ انتخابات مکمل ہوگئے۔ انوار الحق مغل صدر، نائب صدر زرمینہ زیب،نعمان سلہری جنرل سیکرٹری، سیکرٹری فنانس انعام درانی، سیکرٹری اطلاعات احمد فراز، چیئرپرسن اریشہ صغیر جبکہ سوشل میڈیا ہیڈ مومنہ بتول منتخب ہوگئیں۔انتخابات کیلئے دو پینل آمنے سامنے تھے جن کے مابین 8عہدوں پر مقابلہ تھا۔ جن میں ایک پینل کے تمام عہدیدار بھاری اکثریت سے کامیاب ہوگئے۔ تفصیلات کے مطابق جڑواں شہر کے نوجوان صحافیوں کی نمائندہ تنظیم پوٹھوہار ینگ جرنلسٹ ایسوسی ایشن کے سالانہ انتخابات گزشتہ روز اڈیالہ دفتر میں منعقد ہوئے جس میں الیکشن کمیشن کے فرائض سمیع اللہ ملک، بابر اورنگزیب چوہدری اور شرجیل ملک نے سرانجام دیے۔ پولنگ کا عمل صبح 9سے دن 1بجے تک جاری رہا جس میں 95فیصد ممبران نے حق رائے دہی استعمال کیا۔مرکزی عہدوں کے علاوہ سینئر نائب صدر محبوب اعوان،نائب صدر لقمان ہزاروی، ڈپٹی سیکرٹری انفارمین شاہد محمود، جوائنٹ سیکرٹری محمد نعیم انور، کو سوشل میڈیا ہیڈ ماریہ یوسف، جوائنٹ سیکرٹری ماہم مقصود، ڈپٹی سیکرٹری عروہ شفیق جبکہ ایگزیکٹیو ممبران میں رومانہ بخاری، نوید ہارون، حافظ کامران، خرم ابن شبیر، خنیس الرحمن شامل ہیں۔اس موقع پر پاکستان فیڈرل یونین آف جرنلسٹ ورکرز کے صدر وسینئر صحافی پرویز شوکت، روزنامہ جنگ کے عاطف شیرازی، وہاب علوی، معین خان، چیئرمین پوٹھوہار یونین آف جر نلسٹ ڈاکٹر عتیق فرہاد، سید ساجد نقوی، حاجی عبدالغفار، روٹری کلب کے صدر میاں شجاع، سینئر نائب صدر سپورٹس اینڈ کلچرل ونگ جموں ریجن عامر کالس، سابق صدر ذوالقرنین بشیر،قاضی یوتھ وائس چیئرمین قاضی ارباب نے پوٹھوہار ینگ جرنلسٹ ایسوسی ایشن کی نومنتخب باڈی کو مبارک باد پیش کی، نومنتخب عہدیداروں کا کہنا تھا کہ ہم تنظیم کی کامیابی اور بہتری کیلئے اپنی تمام تر توانیاں بروئے کار لائیں گے اور اس کا دائرہ کارپوٹھوہار ریجن کے علاوہ ملک کے دور دراز علاقوں تک پھیلایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جواب دیں

آپ کا ای میل ایڈریس شائع نہیں کیا جائے گا۔