گلراں آلی سرکار.. ابو عبدالہادی

ایٹھےکئی فقیراں دی بھنگ لتھی۔۔۔ تے کئی گئے متھیریاں کھا ھیرے ۔۔۔۔۔۔!!! ۔۔۔۔
پڑپہ دے کول ایس دربار تے رنگ رنگ نسل نسل دے گلر سرکار ہوراں پالے ہوئے ۔۔۔باو باو کرن الے پخ کرن ،بس چاوں چاوں کرن آلے ،دوروں ویکھ کے کھورن آلے ،تے ایک لمی چیخ مار کے چپ کر جان آلے ۔۔۔ایناں سارے گلراں دی اک گل مشترک اے سارے سرکار دا دتا ہویا راطب کھاندیاں اپنا رنگ نسل تے خاندان بھل جاندے نیئں ۔۔ ۔
۔عام طور تے وڈی سرکار ہوراں دے کامے تے ملنگ ہی ایناں گلراں دا دھیان رکھدے نئیں اوہ ای ایناں دے کھان پیںن تے آرام دا خیال رکھدے نئیں ۔۔وڈی سرکار ہوراں تے سال وچ اک دو واری ایناں گلرران نو دیدار کروادنیاں نئں ۔۔ اوی اوس ویلے جدوں کسے خاص جانور دی طبیعت وگڑ جاوے یا سرکار ہورا کسی شکار تے جاناں ہوے ۔۔اودوں ایناں گلران وچوں جیندی قسمت جاگ پوے وڈی سرکار اہہنوں جن لیندے نئیں تے اوہنوں اہس خصوصی مہم تے جان دا شرف ملدا اے ۔۔سمجھ لوو اوس گلر دی قسمت بن گئی ناصرف اوہدیاں ست نسلاں دی عیش ہو گئی ۔۔کیوں جے وڈی سرکار دی نظر وچ اوناں کوئی نکی گل نئیں ۔۔۔جیس گلر نوں وڈی سرکار دا اشارہ مل جوے اوہ بندیاں توں وے اتے ہوجاندا اے ۔۔ایتھوں تیک کہ عام لوکی اوس گلر دے ہتھ پیر جمن لگ پیندے نئیں ۔۔اوس گلر دے ٙٹھوٹھے دا پانی وی متبرک تے آبشفا سمجھیا جاندا اے ۔

۔ایتھوں پتا لگدا. اے کہ ایس سرکار دا گلر ہونا کنے نصیبے دی گل اے ۔
۔۔سر عام والے اقرار الحسن نے وی اینا گلراں دیاں موجاں لگیاں ناصرف آپ ویکھیاں تے سارے جگ نو وخایاں نیئں۔۔ایتھے ملک کونے کونے دا گلر ملدا اے
۔ایتھے ہند ،سندھ،پنجاب خیبر پختونخواہ،بلوچستان تک دے گلر پالے گئئے نیئں ۔۔سرکار دے ملنگ ایناں گلراں دی نسل،خاندان ،عمر ، قد کاٹھ ۔تے کارکردگی دے لحاظ نال ایناں دی خوراک تے رہین سہن دا بندوست کردے نئیں ۔کس راطب خور نوں کناں کھوانا پیانا اییں ۔۔۔۔تے . . اودے کولوں عام حالات وچ کی کم لینا ایں ایے سارے کم وڈی سرکار دے کارندیاں نوں پتا اے ۔۔۔ جدوں کوئی راطب خور بہتا پی، کھا کے آکڑی لین لگ پوے ۔۔۔تے اوہدیاں اکھاں وچ خمار دوروں نظر آون لگ پوے ۔۔۔تے اور کدی کدی اپنی سنبھالواں نو کھورن لگ پوے تے فیر وڈی سرکار اوس جانور نوں واڑیوں کڈن توں دیر نئیں کردی ۔۔۔۔کراچی دا اک گلروڈی سرکار ہوراں پڑے چاواں نال پالیا سی تے ۔۔تے اوہنے وی وڈی درکار دے اکھ دے اشارے انج سمجھے کہ جدوں سرکار ہوراں اوہنوں شکار لئی جھڈیا تے اوہنے اپنے سامنے اون ہر اوہ جانور اپنی جوہ وچوں مکا چھڈیا کدی وڈی سرکار ول اکھ چک وہ ویکھا سی ۔۔۔تے فیر نصیب ہر گئے ایس نازاں نال پالے ہوئے گلر دے ۔۔کہ ایک دن اور سرکار دے حریف گدی ٹھاکر صاحب دے کتیاں نال مل کے اہناں دا راطب پی لیا ۔۔۔بس اوس گلر دے آہر ای بدل گئے ۔۔۔اوہنے کنے ای کامیاں تے ملنگاں نوں وڈ کھتیا۔۔تے وڈی سرکار بڑی سوچ وچار تو بعد اہنوں ۔۔ڈیریوں باہر بنھ دتا تے اوہنوں وی چنگا نہ لگا ۔۔سنیا اے اوہ ہن ہلکا ہو گیا اے ۔۔کجھ دناں بعد اوہ وی کتے دی موت مر جاوے گا ۔۔۔ایسے طراں سرکار ہوراں اہنے جانور. دی صحت تے کدی وسا نئیں کھناندیاں ۔۔ذراکسے جانور دامزاج وگڑیا نیئں سرکار نوں بنا وی اوہ جانور پسند ہووے ۔۔سرکار گدی دا ناں بدنام ہون توں پہلاں اوس نوں تتر کرادیندیاں نیئں ۔۔۔۔اجکل سرکار ہوراں دی نظر اک نویں امریکن بل ڈاگ اتے سولی اے ۔۔ایس بختاں الے جانور تے سرکار نیئں ٹریننگ تے بڑی کرائی اے ۔۔۔تے پورے پڑپے دے بنڈاں وچ ایس جانور دیاں دھماں وی بڑیآں سن ۔۔پر سرکار ہوراں دل ایندے ولوں حالے کجھ بہتا راضی نئیں ۔۔کیوں جے حالے تیک سرکار ہوراں جہڑے شکار تے وی اہنوں چھڈیا اینے ہلاشیری دین دے باوجود شکار ہتھوں گنوا دتا سو۔۔۔سنیا اے کہ سرکار ہوراں دے اک پرانے مرید نیئں ولائیتوں ایک ہائبرڈ نسل دا جانور گھلیا اے سرکار دے شوق دے واسطے ۔۔۔پر حالے وڈے سرکار ایس جانور نوں ہور آزمانہ چاہوندیاں نئیں ۔۔۔اے ویسے وکھن نوں بڑا سوہنا تے سمارٹ اے تے سرکاردا دل ایندے نال لگدا ۔۔پر سرکار اپنے کماں تے شوق دے اگے کسی دا حسن تے سمارٹ نس نوں بوہتی وقعت نئیں دیندیاں ۔۔بس جس دن اوہناں نوں لگیا کہ نال دیاں گدیاں توں کم بہت بچھاں رہ گیا اے ۔۔سرکار کسے نویں گلر نوں تیار کر لین گیاں بس اک اشارہ ہونا ایں تے سندھ ،پنجاب تے الکھ ملکھ دے گلراں پچھلا ہلاندیاں چوں چوں کردیاں سرکار دے پیر چٹن لگ پینا ایں ۔۔۔۔اللہ دڈی سرکار دا فیض دھدائی رکھے ۔۔عام لوکاں لئی تے وڈی سرکار رب دی رحمت اے۔ہرچن دے دے چن یاری شریف دیاں دیگاں آل دوال داپیٹ بھرن لئی وادو نئیں ۔۔۔۔سرکار ہوراں دا وی اے ای نعرہ ۔۔۔۔

اٹ کھرکا دکڑ وجے تتا ہووے چلھا ۔۔۔۔۔۔ان فقیر تے کھا کھا جاون راضی ہووے بلھا۔۔۔۔۔
ایس گلی دے جٹ برے اے لیندے پھائیو پھا ۔۔۔۔۔۔”

جواب دیں

آپ کا ای میل ایڈریس شائع نہیں کیا جائے گا۔